خۆشمێر، هەمیشە ئەستێرەی سووری ئاسمانی جوانانی ڕۆژهەڵاتە

خۆشمێر، هەمیشە ئەستێرەی سووری ئاسمانی جوانانی ڕۆژهەڵاتە

وەک پێشەکی لە کەسایەتی هەڤاڵ خۆشمێر ڕۆژهەڵات کە لە گەڵ پۆلێک هەڤاڵ تر لە ساڵی 2006 لە پێکدادانێکدا گەیشتە پلەی شەهادەت، سەرجەم شەهیدانی کوردستان و ئازادیخوازانی جیهان وەبیر دەهێنینەوەو سەری رێز و نەوازش لەبەرامبەریان دا ئەنوێنین.

بەدڵنیاییەوە دوای هەشت ساڵ بەدوای شەهیدبوونی هەڤاڵ خۆشمێر وەک یەکێک لە دامزرێنەرانی بزووتنەوەی شۆڕشگێڕی گەنجانی ڕۆژهەڵات، کە لە بەرەکانی تێکۆشاندا و لە پێکدادانێک لە گەڵ بەکرێگیراوانی کۆماری ئیسلامی بە شێوەیەکی قارەمانانە شەڕی کرد و شەهید بوو، وەک کۆمەڵانی جوانانی ڕۆژهەڵات سەرەتا هەڤاڵ خۆشمێر بەبیردەهێنینەوە و شەرڤانی ئارمانجەکانی ئەوان دەبین. هەروەها دەڵێین: ئەی هەڤاڵ خۆشمێر با رۆحت ئاسوودە بێ، لە ئەنجامی تێکۆشانی ئێوەدا ئێستا کچان و کوڕانی کورد بست بە بستی خاکی کوردستانیان کردوەتە مەڵبەندی تێکۆشان و بەرخۆدانی ئازادی. ئەو شتڵەی ئێوە کە لە ڕۆژهەڵاتی وڵاتەوە داتان چەقاند، ئەمڕۆ بە ڕەنگی سوور کۆبانێ و شەنگالیان داپۆشیوە. سەنگەرەکانی ئێوە هەزاران جوانی فیدای پڕیان کردوەتەوە، دەنگی “بەرخۆدان ژیانە” لە ماڵ بەماڵ، کۆڵان بە کۆڵان، گوند بە گوند و شار بە شاری ڕۆژهەڵات، پەردەی گوێی داگیرکاریان دڕاندوە.

هەروەها بە بۆنەی هەشتەمین ساڵیادی شەهیدبوونی هەڤاڵ خۆشمێر، وەک یەکێک لە جوانانی پێشەنگ لە تێکۆشانی ئازادیخوازی کوردستان، سەرساخی لە بنەماڵەی هەڤاڵ و سەرجەم گەلی وڵاتپارێزی کوردستان دەکەین کە ڕۆڵەیەکی وەک خۆشمێر ڕۆژهەڵاتیان پەروەردەکردوە. هەروەها ئاراستەی بانگەوازمان لە سەرجەم گەنجانی ڕۆژهەڵاتی کوردستانە بۆ بەهێزکردنی سنگەرەکانی تێکۆشان. چوونکە ئەمڕۆ مەترسیەکی گەورە لە سەر گەلەکەمانە و بۆیەش ئەرکی پاراستنی ئاسایشی نەتەوەیی لە گشت کەسێک زیاتر دەکەوێـتە ئەستۆی جوانان!

لە کۆتاییدا سۆز و بەڵێنمان بە سەرجەم شەهیدانی ڕێگەی ئازادی کوردستان و ئێران دووپات دەکەینەوە و هەتا دوایین وێستگە، واتە سڕینەوەی سیستەمی داگیرکاری لە کوردستان و دەستەبەرکردنی ئازادی و یەکسانی بۆ گشت گەلان تێکۆشانی بێ وچانی جوانان ناوەستێ!

 

سڵاو و رێزی شۆڕشگێڕی
کۆردناسیۆنی کۆمەڵانی جوانانی ڕۆژهەڵات — KCR
27.12.2014

بابەتی پەیوەندیدار