شەهیدانی یەکی گوڵان، نوێنەرانی راستەقینەی ئیرادەی ئازادی راگەیاندن

شەهیدانی یەکی گوڵان، نوێنەرانی راستەقینەی ئیرادەی ئازادی راگەیاندن

مانگی گوڵان یا بە واتایەکی دیکە مانگی شەهیدان لە دیرۆکی تێکۆشانی ئازادیخوازی گەلی کورد دا خاوەن جێگایەکی تایبەتە. مانگێکە کە پێشەنگەکانی خەباتی رزگاری گەلی کورد، بەوپەڕی لەخۆبوردوویی و فیداکارییەوە بەرپرچی هێرشەکانی دوژمنیان داوەتەوە و بە شەهادەتی خۆیان مێژووی ئەو مانگەیان رەنگینتر کردووە و رێگای گەیشتن بە ئامانجەکانی گەلی کوردیان هەموارتر کردۆتەوە. شێوازی هێرش کردنی دوژمنانی گەلی کورد رەهەندی جیاوازی لەخۆ گرتووە و بەپێی ئەوەش بزووتنەوەی ئازادیخوازی کورد، خۆی بە رێکخستن کردووە و توانیوێتی لە گۆڕەپانەکانی جودای تێکۆشاندا شکست بە سیاسەتی نەیارانی گەلی کورد بهێنێت.

یەکێک لەو گۆڕەپانانەی کە دوژمن بە هەموو توانایەوە دەیهەوآ هێرش بێنێت و بە ئەنجامدان و بەڕێوە بردنی شەڕی نەرم و سیاسەتی شەڕی تایبەت بگاتە ئامانجەکانی خۆی، بەشی راگەیاندنە. بآگومان بەشی راگەیاندن لە بواری رۆشەنکردنەوە و بەرز کردنەوەی ئاستی هۆشیاری و دروست کردنی رامانێکی ئازاد لە کۆمەڵگادا خاوەن کاریگەرییە. هەروەها یارمەتیدەرە لە بواری چارەسەری پرسەکانی کەسایەتی و پێکهێنانی ئیرادەیەکی ئازاد و سڕینەوەی عەقلییەتی دژە کۆمەڵگا. بە تایبەت لە بواری دروست کردن و پێکهێنانی یەکێتییەکی نەتەوەیی خاوەن رۆڵێکی ئەساسییە. هەمووی ئەمانە لە سێبەری راگەیاندنێکی ئازاد و دیمۆکراتیکدا پێکدێت و تەنها راگەیاندنێکی ئازاد دەتوانێت بە بآ کەوتنە بن گاریگەری سیاسەتەکانی شەڕی تایبەت، ئەرک و بەرپرسیارێتی خۆی پێک بهێنێت.

راگەیاندنێک دەتوانآ پێشەنگایەتی رۆشەنگەری کۆمەڵگا بگرێتە ئەستۆ و وەک راگەیاندنێکی ئازاد بەناو بکرێت کە نەکەوێتە بن خزمەتی دەسەڵات و سیاسەتی پاوانخوازانە و لە بەرژەوەندی بەرتەسک و چوارچێوەی تەنگی فکری خۆی بپارێزێت. راگەیاندنێکی بەوجورە، دەتوانآ زمانی حاڵی گەل بێت. ئەوەش راستییەکە کە دوژمنانی گەلی کورد بە هیچ شێوەیەک هەبوونی راگەیاندنێک لەو ئاستەدا قەبووڵ ناکەن و بەردەوام هێرشی دەکەنە سەر.

ئەو هێرشە دڕندانەیەی کە لە 1 گوڵانی 2008 دا کرایە سەر چاپەمەنی پارتی ژیانی ئازادی کوردستان و بوو بە هۆکاری شەهادەتی شەش هەڤاڵی پێشەنگی چاپەمەنی، هەر لەو چوارچێوەیەدا بوو. ئەو کارەساتە پیلانگێڕییەک بوو لە دژی ئیرادەی ئازاد و راستەقینەی راگەیاندن. ئەو هەڤاڵانەمان بە تێگەیشتن لە ئەرک و بەرپرسیارێتی شۆڕشگێڕی و راگەیاندنی و بە قەبووڵ کردنی هەر جۆرە بارءدۆخێکی زەحمەت، لە هەوڵداندا بوون بۆ گەیاندنی ئەندێشەیەکی ئازاد بە کۆمەڵگا، کە هەمان رامانی رێبەر ئاپۆیە.

بآ گومان هێرشی بەو جۆرە و هاوشێوەی ئەوە، ناتوانآ کە ئێمە لە بەرپرسیارێتی مێژووییمان دوور بخاتەوە و راگەیاندنی ئازاد بآدەنگ بکات. بۆیەش، وەک چاپەمەنی پارتی ژیانی ئازادی کوردستان PJAK، پێداگری دەکەین لەسەر خەتی راگەیاندن و رۆژنامەوانی ئازاد و دیمۆکراتیک. لەو رۆژەدا، وێڕای مەحکووم کردنی ئەو هێرشە، هەموو شەهیدانی راگەیاندن و بەتایبەت شەهیدانی یەکی گوڵان (ئارگەش باوەر، وەداد ئامەد، هێرش ئامەد، رامان جاوید، فوڕات کۆوەندی و ئارمانج مەریوان) وەبیر دێنینەوە و بڕیاری خۆمان بۆ درێژەپێدان بە رێبازی ئەو شەهیدانە دووبارە دەکەینەوە.

ناوەندی راگەیاندنی پارتی ژیانی ئازادی کوردستان PJAK
29.04.2013

بابەتی پەیوەندیدار