هەورامان رۆڵێکی گرینگی مێژویی لە پێگەیاندنی شارستانیەتی کوردستاندا هەبووە
هەورامان رۆڵێکی گرینگی مێژویی لە پێگەیاندنی شارستانیەتی کوردستاندا هەبووە

هەورامان رۆڵێکی گرینگی مێژویی لە پێگەیاندنی شارستانیەتی کوردستاندا هەبووە

هەورامان رۆڵێکی گرنگی مێژوویی لە پێگەیاندنی شارستانیەتی کوردستاندا هەبووە.
ماوەیەک پێش، لە چل و چوارەمین دانیشتنی کومیتەی شوێنەوار و کەلەپوورناسی رێکخراوی یونسکۆدا، سروشتی کولتووری هەورامان بەشی ڕۆژهەڵاتی کوردستان، وەکوو میراتێکی کولتووری جیهانی ناوزەد و پەسەند کرا. لێرەدا سەرەڕای پیرۆزبایی کردن لە کۆمەڵگەی هەورامان، ئەم بابەتە بە دەسکەوتێکی گرینگ بۆ خەڵکی هەورامان بەتایبەتی و کوردستان بە گشتی بۆ دەزانین.
مێژوو شاهێدی ئەوەیە کە هەرێمی هەورامان بە درێژایی ژیانی کۆمەڵایەتی و شارستانیەتی خۆی، خۆڕاگرانە لە بەرامبەر هەرجۆرە داگیرکاریەک راوەستاوە و بۆ پاراستنی سروشت، ئێکۆلۆژی، زمان و کولتوور، باوەڕمەندی و ناسنامەی تایبەتی خۆی بەرخودانی کردووە و هەتا رۆژی ئەمڕۆش بێ وچان بەرەنگاری هەرجۆرێک لە هەڕەشە، بە مەبەستی پاکتاوی کولتووری و شۆناسی دەبێتەوە. خەڵکی هەورامان بە هەزاران ساڵە لەگەڵ سروشت دا ژیانی خۆیان بەسەر دەبەن و هەوڵیان داوە کە بۆ بەڕێوەبردن و پێداویستییەکانی ژیان، تا ئەو جێگای کە دەکرێت پشتبەستوو بن بە هێز و توانای کولتووری خۆیان. سەرەڕای ئەوەی کە بە درێژایی مێژوو هێڕش بۆ پاکتاوکردنی ناسنامەی هەورامی لە ئارادا هەبووە، بەڵام کولتووری خۆبەرێکخستن کردن، خۆپاراستن و خۆبەڕێوەبەری لە کۆمەڵگەی هەوراماندا هۆکارێک بووە کە هیچ کات خۆبەدەستەوە نەدات و خۆی لە ئاسیمیلاسیون و لەناوچوونی تایبەتمەندیەکانی بپارێزێت. لەسەر ئەم بنەمایە بووە کە کۆمەڵگەی هەورامان توانیویەتی بە پاراستنی سروشت و کولتووری خۆی ببێتە جێگای سەرەنجی ڕێکخراوە نێودەوڵەتییەکان.

جێگای ئاماژەیە کە بەشێکی زۆر لە سروشت و کولتوور، ناسنامە و زمان، کۆمەلگە و مێژووی کوردستان، لە لایەن دەوڵەتانی داگیرکەری کوردستانەوە، بە دیاریکراوی رۆژهەڵاتی کوردستان، لە لایەن کۆماری ئیسلامی ئیرانەوە هەوڵ دەدرێت دەستی بەسەردا بگیردرێت و بە پێچەوانەی ڕاستینەی خۆی پێناسە بکڕێت و بۆ بەرژەوەندی دەوڵەت-نەتەوەی ناوەندگەرای ئێرانی لەسەر بنەمای پێناسەی نەتەوەیی سەردەست کەڵکی لێ وەربگیردرێت. هەر لەم چوارچێوەیەدا سروشت و ئێکۆلۆژی، کۆلتور و کۆمەڵگا و ناسنامەی گەلی کورد لە ڕۆژهەڵاتی کوردستان لەبەر سیاسەتی پاوانخوازی و گەشەی ئابووری، لەژێر مەترسی و لەناوچووندایە. گرینگ و پێویستە کە کومەڵگەی مەدەنی و سیاسی رۆژهەڵاتی کوردستان سەبارەت بەم سیاسەتانە هەستیار بن و رێگە نەدەن دەسکەوتەکانی گەلی کورد لەناوبچێت و خاوەندارێتی لە هەبونی خۆیان بکەن.

لە کۆتاییدا وەکوو هاوسەرۆکایەتی پارتی ژیانی ئازادی کوردستان، پیرۆزبایی بە دەستهێنانی ئەم دەستکەوتە لە گەلی کورد بە گشتی و کۆمەڵگەی هەورامان بەتایبەتی دەکەین.
هاوسەرۆکایەتی پاڕتی ژیانی ئازادی کوردستان(پژاک)
٢٩-٠٧-٢٠٢١

بابەتی پەیوەندیدار