کلیلی هەموو چارەسەریەکانی ئێران پەیوەستە بە چارەسەرکردنی کێشەی ژنەوە
کلیلی هەموو چارەسەریەکانی ئێران پەیوەستە بە چارەسەرکردنی کێشەی ژنەوە

کلیلی هەموو چارەسەریەکانی ئێران پەیوەستە بە چارەسەرکردنی کێشەی ژنەوە

 

ڕۆژان سنە

کاتێ کە بارۆدۆخی وڵاتێک لە ناو قەیران و ئاڵۆزیبدا بێت بە تایبەت ئەگەر کێشەی ئەساسی ناسنامە و دۆخی سیاسی، ئابووری و کۆمەڵایەتی ژنان بێت، دەوڵەت لە قووڵکردنەوەی کێشەکان خاوەن رۆڵێکی گرنگ دەبێت. لەم نێوەندەدا پێویستی بە پرۆژە و رێگەی چارەسەری هەیە. هەربۆیە لە بەر ئەم هۆکارە کۆمەڵگای ژنانی ئازادی رۆژهەڵاتی کوردستان کژار بۆ چارەسەری قەیران و ئاڵۆزی ژنانی رۆهەڵاتی کوردستان و ئێران کە بە هۆی سیاسەتی هەڵەی دەوڵەتی ئیران بە سەر کۆمەڵگا هاتووە نە خشەڕێگایەکی چارەسەری بۆ کێشەی ژنان پێشکەشکرد. ئەو نەخشە ڕێگایە کلیلی چارەسەریە بۆ کێشەکانی ژنان لە ڕۆژهەڵاتی کوردستان و ئێراندا.

رێبەر ئاپۆ دەڵێت” بۆ تێگەیشتن لە بارۆدۆخی ئازادی هەرکۆمەڵگایەک ، دەبێت بڕوانیتە بارودۆخی ئازادی ژنان لەو کۆمەڵگایەدا”. ژنان بنچینەی راستەقینەی کۆمەڵگای مرۆڤایەتین و نوێنەرایەتی ژیانێکی راست و بە ئەخلاق دەکەن. دەتوانین بە دڵنیاییەوە باس لەوە بکەین کە سەرچاوەی چارەسەری هەموو ئاڵۆزی و قەیرانی کۆمەڵگا کە سیستەمی دەسەڵاتدار و پیاوسالار بۆ بەرژەوەندی چینێکی سەردەست بە سەر کۆمەڵگا دای سەپاندووە، تەنها لە چارەسەری کێشەی ژناندا بە دی دێت.

 

ئەگەر ئاوڕێک لە دۆخی گشتی ژنان بدەین دەبینین کە کێشە و دۆخی ژنان هەموو وەکوو یەکە هیچ فەرق وجیاوازی لە نێوان ژنان نیە. لە هەر کوێ ئەم جیهانە بیت کاتێ ناسنامەی ژن بوون لەگەڵت بێت لە لایان سیستەمی پیاوسالاری و دژە ژن تووشی هێرش و توندوتیژی دەبیتەوە ، بۆیە کێشەی ژنان کاریگەری لەسەر تەواوی کێشەکانی تر دەبێت ، هێرش لە بەرامبەر ژنانی رۆژهەڵاتی کوردستان و ئێران هێرش بۆ سەر هەموو ژنانی جیهان.

سیستەمی کۆماری ئیسلامی ئیران بە دوای دەستێوەردانێکی زۆری   سیاسی ،ئابووری و عەسکەریە کە لە ساڵانی دوایین لە هەرێمی رۆژهەڵاتی ناوەراست کردی، بەمەش دەیویست خۆی وەکوو هێزێکی دەسەڵاتدار لە هەرێمەکەدا نیشان بدات و لە پێناوی گەیشتن بە بەرژەوەندەی و ئامانجەکانی شەرو قەیران لە دەرەوەی سنوورەکانی بەرێوەدەبات. کۆماری ئیسلامی دەیەوێت بەیارمەتی دانی هێزەکانی وەکوو ‌حزبڵا،حه‌شدی شەعبی و حوثییه‌کانی یەمەن لە بواری عەسکەری ئابووری وە هەروەها چەوسانەوەی هێزی گەل و هێزە دمۆکراسی خوازەکان بۆ پێکهانی مەرامەکانی کەڵک وەرگرێت. دوای دەرکەوتنی ئەمریکا لە بەرجام ، بارۆدۆخی ئیران هەر دەروات بەرەو قەیران و ئاڵۆزی قووڵ دەچێت و کاردانەوەی گەل بەتایبەت ژنان لە بەرامبەر ئەم دۆخە دەردەکەوێت، دەبینین ژنان بەشداری خۆپشاندان و نارەزایەتیەکانی هەموو شارەکانی ئیران دەکەن و ڕۆڵی پێشەنگایەتی لە سەرهەڵدانەکاندا دەگێڕن.

سیستەمی ئێران بە درێژایی مێژووی خۆی هێرشی دەسکەوتەکانی گەل دەکات و لەم نێوانەدا بەتایبەت سیاسەت و توند وتیژی دژ بە ژنان بە کار دەبات کە ئەم بابەتە لاوازی و ترسی دەوڵەتی ئیران لە بەرامبەری ژنان دەسەلمێنێت. نەبوونی ژنان لە گۆڕەپانەکانی سیاسی ئابووری و کۆمەڵایەتی ، پڕ بوونی گرتووخانەکان لە ژنانی چالاکوانی سیاسی و کۆمەڵایەتی ،داکەوتنی تەمەنی زەوجاندنی کچان لە سەر ناو دین و مەزهەب بۆ ئەوە کە سەر ئیرادە وهێزی ژنان لە تەمەنی منداڵیدا دەس دابگرن و کۆیلەی خۆیانیان بکەن. بەرزبوونەوەی ئاستی فەقیر و بێکاری و هتد…رووی راستەقینەی دەوڵەتی ئیران نیشان دەدات کە هیچ رێگای چارەسەری بۆ گەلانی ئیران نیە. بە پێچەوانەوە سیستەمی سەرمایەداری و دەوڵەت دژە دموکراسی و دژ بە مرۆڤایەتییە و نابێت قەت بڕوای پێ بکرێت و وەکوو هێزی چارەسەری هیوا و بڕوایمان پێ بێت.

لەبەر ئەم هۆکارانە کژار راستی سیستەمی ویلایەتی فەقێ و دەسەڵاتداری پیاوسالاری ئیرانی باش لێکۆلینەوە کرد و بەپێی پێویستی گەل و ژنان رێگای چارەسەری دیت و وەکوو پرۆژەیک پێشکەشی کرد ، تا بتوانێت بە رێخستنی هاوبەش و یەکیەتی ژنان  رژیمی دیکتاتۆری ئیران مەجبوور بە گۆڕانکاری بنەڕەتی هەموو یاسا و سیاسەتە دژە مرۆڤایەتیەکانی کە بە سەر گەلانی ئێران سەپاندوویانە بکەن ، ئیران بەرەو وڵاتێکی دیموکراتیک ببەن کە لە ناویدا هەر قەوم و نەتەوەیک بە هەر رەنگ و باوەریک پێکەوە ژیان بکەن. هەروەها کژار تیشکی دەخاتە سەر ئەوەی کە رێگەی رزگاری ئێران هەنگاو هەڵگرتنە بەرو دیمووکراتی بوون و دەبێت ژنان لە هەموو گۆڕەپانەکاندا خاون رۆڵن وپێشەنگایەتی کۆمەڵگا بکەن.

 

 

بابەتی پەیوەندیدار