Eger dewleta Tirk hema niha daxwazên zîndaniyan qebul neke, wê bi berpirsiyariya girantir rûbirû bimîne

Eger dewleta Tirk hema niha daxwazên zîndaniyan qebul neke, wê bi berpirsiyariya girantir rûbirû bimîne

Ev 58 rojin gelek girtiyên siyasi yên di zîndanên dewleta Tirk li Bakûrê kurdistan û Tirkiyê de, bi daxwaza rakirina tecrîda li ser Rêberê gelên Kurdistanê Rêber Apo û azadiya hemû zîndaniyên siyasî, bi dirûşma ‘misoger emê bi serbikevin’ çalakiya greva birçîbûna bêdem û dorveger dane destpêkirin. Dewleta Tirk a dagirker jî weke pîşeya xwe her demê, dixwaze hemû deng û hawarên ji bo azadî bêdeng bike û hemû ragihandinê serkut bike. Heya bikaribe siyaseta qirkirina gelê Kurd û gelên din yên herêmê pêkbîne. Ev di aliyek de siyaseteka hovaneye ku li hemberî mirovahî dimeşînin, di heman demê de seknek mezin a têkoşînkirinê dike neçari.
Recep Tayyîb Erdogan ku weke dîktatorek vê serdemê tevdigere. Niha ji bo vejiyandina hizra devlet–netewgeriya rejîma faşîst a Iraq û Sûryê gav davêje. Bi bikaranîna ola pîroz a Îslamî di xizmeta xwe de ku bi xwe pêşengî dike û herwiha bi lûtke gihandina hizra faşîzma Tirk bi pêşengiya MHP, dixwaze senteza olgerî–faşîzm saz bike, ku bikaribe ti gel, netew, ol, mezheb û ti çandek din nebe ku behsa hebûna xwe bike. Her kesên ku vê hişmendiyê dihewîne, ji bo bigehe armanca xwe ya faşîstî û xweperistiya xwe, bi deha komkujî liser gelên hêremê pêkanîn ji xwere rewa dibîne.
Divê qonaxê de ku çarenûsa gelê Kurd û gelên herêmê, girêdayiye bi asta tekoşîn û xebatên wan bi xwe. Bêguman tevgera azadî ya Kurd û têkoşîna azadî û demokrasî ya li Bakûrê Kurdîstanê bi asta sekna bi rûmeta parastina giştî ya şkandina hêza faşîzm û neteweperest, bi dirûşma ‘misoger emê biserbikevin’ liser riya serketina herî mezin gavan dihavêje. Bi dehan cûr û şêwazên rewa ya çalakiyên siyasî, civakî, parastina cewherî û rewa dimeşîne. Ev jî bûye sedema tirsandina faşîst û helgirên ala faşîzmê bi taybet li Bakûrê Kurdistan û Tirkiyê, heya bikaribin tinebûna xwe, bi qirkirina gelê Kurd û gelên demokrasî û azadîxwazên herêmê rizgar bikin. Ji ber vê serketina tekoşîna azadî û demokrasî ya gelan, şkandin û ji nav birina hizra faşîzme ku berhema sîstema sermayedariye.
Çalakiya gireva birçîbûnê ya girtiyên siyasî jî weke yek ji çalakiyên herî bihêz a li hember wan siyasetên qirêja devleta faşîst a Erdogan, îro di astek hesas de ye. Êdî ne Erdogan û ne hevalbendên wî yên hûndirîn û derve jî nikarin vê çalakiyê serkut bikin û veşêrin. Em weke Hevserokatiya Partiya Jiyana Azad a Kurdistan-PJAK’ê di demêk de ku bi her şêwazî piştîvanî li hemû çalakiya rewa yên greva birçîbûna girtiyên siyasî û hemû çalakî yên medenî û rewa ya piştgirîkirina girtiyan dikin. Di heman demê de dewleta faşîsta Tirk jî baş bizanibin ku li hemberî berpirsiyariyeka pir giran û dîrokî de ye, êdî gelê Kurd û gelên li Tirkiyê jî li hember sîstema dewletê nikarin bi sebir û aramî tevbigerin. Lewma neçare yek ji wan herdû rêyên li pêşiya wî mane, hel bijêre ku yan wê berbi demokrasiya rastîn û azadiya gelên herêmê ve biçe. Yan jî wê bi destê xwe desthilat, text û bi xwejî ji nav bibe, ku ev jî wê qurbanî xesaretên pir mezin bi xwere bîne û di heman demê de ji bo nesilên piştî xwe jî şermezarî û mehkumiyeka mezinê dîrokî li hemberî gelên herêmê bi xwere bîne.
Di vê çarçoveyê de gelê Kurd li herderêkî herêmê û cîhanê, neçare bi çalakiyên meden di asta lûtkeyê de piştevanî ya xwe ji bo girtiyên di greva birçîbûnê dene bike, qifil û dergehên zîndanan bişkîne û çarenûsa xwe dîyar bikin. Ji vir ve em weke PJAK bi hemû şêwazeka rewa û demokrasî, piştevanî li çalakiya greva birçîbûna girtiyên siyasî yên di zîndanên reş û tarî ya dewlata dagîrkerê Tirk û hemû girtiyên sîyasîyên din û daxwazên wan dikin. Di heman demê de wext hatiye em di vê dema hestiyarde bêdeng bûyna hemû partî û aliyên Kurdî ku îdeaya Kurdayetî dikin li hemberî van pîlan, êrîş û polîtîkayên qirkirinê ya dagirkerên Kurdistan bi tundî şermezar dikin û em dibêjin, di rojek weha de bêdengî mirine û hevkariye bi dijminên hov û dagirkerên Kurdistanê ye.

Hevserokatiya Partiya Jiyana Azad a Kurdistanê-PJAK
13.04.2017

بابەتی پەیوەندیدار